തെഹ്‌റാന്‍: ഇറാന്റെ ആണവപദ്ധതികള്‍ക്കു നേതൃത്വം നല്‍കുന്ന ശാസ്ത്രജ്ഞന്‍ മുഹ്‌സിന്‍ ഫഖ്‌രിസാദെ(59) മിസൈല്‍ ആക്രമണത്തില്‍ കൊല്ലപ്പെട്ടു. കൊലപാതകത്തിനു പിന്നില്‍ ഇസ്‌റാഈലാണെന്ന് ഇറാന്‍ ആരോപിച്ചു.തെഹ്‌റാന് കിഴക്കുള്ള അബ്‌സാര്‍ദ് നഗരത്തിലെ ദമാവന്ദില്‍വച്ച് ഇന്നലെ രാത്രി കാറില്‍ സഞ്ചരിക്കവെ അദ്ദേഹത്തിനു നേരെ മിസൈല്‍ ആക്രമണമുണ്ടാവുകയായിരുന്നു. ഈയിടെയായി ഇറാന്‍ ശാസ്ത്രജ്ഞര്‍ക്ക് നേരെയുള്ള ആക്രമണമണങ്ങള്‍ വര്‍ധിച്ചിട്ടുണ്ട്.