വടകര: മേഖലയില്‍ പതിവായി കഞ്ചാവ് വില്‍പ്പന നടത്തുന്നവരിലെ പ്രധാനി എക്‌സൈസിന്റെ പിടിയിലായി. ചൊക്ലി പന്ന്യന്നൂര്‍ അസ്‌കറാണ് (54) അറസ്റ്റിലായത്. ഇയാളില്‍ നിന്ന് 50 ഗ്രാമിന്റെ പതിനാറു പൊതി കഞ്ചാവ് പിടിച്ചെടുത്തു. ദേശീയപാതയില്‍ നാരായണനഗറില്‍ നിന്നാണ് ഇയാളെ കസ്റ്റഡിയിലെടുത്തത്. ആവശ്യക്കാരനെന്ന വ്യാജേന സമീപിച്ച ശേഷം എക്‌സൈസ് സംഘം അസ്‌കറിനെ പിടികൂടുകയായിരുന്നു.
ഇയാള്‍ എത്തിയ സ്‌കൂട്ടറും കസ്റ്റഡിയിലെടുത്തിട്ടുണ്ട്. സഹകരണ ആശുപത്രിക്കു സമീപത്തെ ഐശ്വര്യ ലോഡ്ജില്‍ മുറിയെടുത്ത് വടകര മേഖലയില്‍ കഞ്ചാവ് വിതരണം ചെയ്തു വരികയായിരുന്നു ഇയാളെന്ന് എക്‌സൈസ് അറിയിച്ചു. പ്രദേശത്തെ മൂന്നു പേര്‍ക്കാണ് ഇയാള്‍ കഞ്ചാവ് മൊത്തമായി വിതരണം ചെയ്തിരുന്നത്.
അസി. എക്‌സൈസ് ഇന്‍സ്‌പെക്ടര്‍ പി. സുരേന്ദ്രന്‍, സിവില്‍ എക്‌സൈസ് ഓഫിസര്‍മാരായ പ്രമോദ് പുളിക്കൂല്‍, കെ. ഗണേഷ്, കെ.കെ രാജേഷ്‌കുമാര്‍, ഡ്രൈവര്‍ മധു എന്നിവരാണ് സംഘത്തിലുണ്ടായിരുന്നത്.