കണ്ണൂര്‍: സോളിഡാരിറ്റി യൂത്ത് മൂവ്‌മെന്റിന്റെ ആഭിമുഖ്യത്തില്‍ ഐ.എസ് ഭീകരതയ്ക്കും സംഘപരിവാര്‍ രാഷ്ട്രീയ മുതലെടുപ്പിനുമെതിരേ പ്രതിരോധ സംഗമം സംഘടിപ്പിച്ചു. എഴുത്തുകാരന്‍ പി സുരേന്ദ്രന്‍ ഉദ്ഘാടനം ചെയ്തു. ഐ.എസിനു പ്രവാചക ചര്യയുമായോ വിശുദ്ധ ഖുര്‍ആനുമായോ യാതൊരു ബന്ധവുമില്ലെന്ന് അദ്ദേഹം പറഞ്ഞു. ചരിത്ര വിരുദ്ധവും ഇസ്‌ലാം വിരുദ്ധവുമാണ് ഐ.എസ് പ്രവര്‍ത്തനം. യൂറോപ്യന്‍ രാജ്യങ്ങളില്‍ മുസ്‌ലിം വിരുദ്ധത രൂപപ്പെടാന്‍ ഐ.എസ് പ്രവര്‍ത്തനം ഇടയാക്കിയെന്നും സുരേന്ദ്രന്‍ പറഞ്ഞു. സാദിഖ് ഉളിയില്‍ അധ്യക്ഷനായി. പ്രൊഫ. എം.എം നാരായണന്‍, എ സജീവന്‍, അഡ്വ. സജീവ് ജോസഫ്, പി ഷാക്കിര്‍, കെ.കെ സുഹൈല്‍, സമദ് പുന്നക്കാട് സംസാരിച്ചു.