കരുവാരക്കുണ്ട്: ഒലിപ്പുഴയുടെ പുറമ്പോക്ക് സംരക്ഷണമെന്ന പേരില്‍ ഗ്രാമ പഞ്ചായത്ത് നടത്തുന്ന പ്രവൃത്തികള്‍ ചെറുകിട കര്‍ഷകരെ ദ്രോഹിക്കുന്ന നടപടിയായി മാറിയെന്നും പതിറ്റാണ്ടുകളായി കൃഷി ചെയ്യുന്ന ഇടം കര്‍ഷകരില്‍ നിന്ന് പിടിച്ചെടുക്കാന്‍ സമ്മതിക്കില്ലെന്നും ജനധിപത്യ കേരള കോണ്‍ഗ്രസ് ജില്ലാ ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു.
പൊതുനിരത്തുകളും പഞ്ചായത്തിലെ പ്രധാന കനാലുകളും കൈയേറിയവര്‍ക്കെതിരേ ചെറുവിരല്‍ അനക്കാര്‍ ഭരണസമിതിക്ക് കഴിയുന്നില്ലെന്നും 24 ന് സ്ഥലം സന്ദര്‍ശിക്കുന്ന കലക്ടറെ തടയുമെന്നും ഇവര്‍ അറിയിച്ചു. ജില്ലാ പ്രസിഡന്റ് മാത്യു സെബാസ്റ്റ്യന്‍, ജില്ലാ സെക്രട്ടറി കെ.യു തോമസ്, ജില്ലാ ട്രഷറര്‍ പയസ് ജോണ്‍, സംസ്ഥാന കമ്മറ്റിയംഗം സി.പി ജോയ് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.