മുംബൈ: അഹമ്മദാബാദില്‍ നടക്കുന്ന ഇന്റര്‍ കോണ്ടിനെന്റല്‍ കപ്പിനുള്ള ഇന്ത്യന്‍ ടീമിനെ പ്രഖ്യാപിച്ചു. രണ്ടാഴ്ച നീണ്ട ക്യാംപിന് ശേഷമാണ് പരിശീലകന്‍ സ്റ്റിമാച് 25 അംഗ ടീമിനെ പ്രഖ്യാപിച്ചിട്ടുള്ളത്. 35 അംഗ സാധ്യതാ ടീമില്‍ ഉ@ണ്ടായിരുന്നവരില്‍ നിന്ന് പ്രകടനത്തിന്റെ അടിസ്ഥാനത്തിലാണ് 25 അംഗ ടീമിനെ തിരഞ്ഞെടുത്തിരിക്കുന്നത്.
മൂന്ന് മലയാളികളാണ് ടീമില്‍ ഉള്‍പ്പെട്ടിരിക്കുന്നത്. സാധ്യതാ ടീമില്‍ ഉണ്ട@ായിരുന്നവരില്‍ നിന്ന് ആശിഖ് കുരുണിയനാണ് പുറത്തായ ഏക മലയാളി താരം. പരുക്ക് കാരണമാണ് ആശിഖ് പുറത്തായത്.

വിരമിക്കല്‍ പ്രഖ്യാപനം പിന്‍വലിച്ച് അനസ് എടത്തൊടിക, കേരള ബ്ലാസ്റ്റേഴ്‌സ് താരം സഹല്‍ അബ്ദുല്‍ സമദ്, സ്‌ട്രൈക്കര്‍ ജോബി ജസ്റ്റിന്‍ എന്നിവരാണ് മലയാളികളായി ടീമില്‍ ഉള്ളത്. ഈ ടീമില്‍ നിന്ന് രണ്ട് പേരെ കൂടി പുറത്താക്കി അവസാന 23 അംഗ ടീമാകും ടൂര്‍ണമെന്റില്‍ പങ്കെടുക്കുക.
ഇന്ത്യക്ക് ഒപ്പം താജിക്കിസ്ഥാന്‍, സിറിയ, ഡി പി ആര്‍ കൊറിയ എന്നിവരാണ് പങ്കെടുക്കുന്നത്. നാളെ ആരംഭിക്കുന്ന ടൂര്‍ണമെന്റ് ജൂലൈ 18ന് അവസാനിക്കും.