ശ്രീനഗര്‍: ജമ്മുകശ്മീരില്‍ മൂന്നിടത്ത് സൈന്യവും തീവ്രവാദികളും തമ്മില്‍ ഏറ്റുമുട്ടല്‍. ശ്രീനഗര്‍, അനന്ത്‌നാഗ്, ബുഡ്ഗാം എന്നിവിടങ്ങളിലാണ് ഒരേ സമയം ഏറ്റുമുട്ടല്‍ ആരംഭിച്ചത്.

ശ്രീനഗറിലെ പ്രാന്തപ്രദേശമായ നൂര്‍ബഗ്, അനന്ത്‌നാഗ് ജില്ലയിലെ ദൂരു ഷഹബാദ്, ബുദ്ഗാമിലെ ചദൂര പട്ടണം എന്നിവിടങ്ങളിലാണ് ഏറ്റുമുട്ടല്‍ തുടരുന്നത്. സുരക്ഷാ മുന്‍കരുതലിന്റെ ഭാഗമായി രണ്ടിടങ്ങളിലും ദൂരു ഷഹബാദിലും ചദൂരയിലും ഇന്റര്‍നെറ്റ് സേവനങ്ങള്‍ റദ്ദാക്കിയിരിക്കുകയാണ്.