മദീന: കൊവിഡ് ബാധിച്ച് ചികിത്സയിലായിരുന്ന കൊല്ലം സ്വദേശി സഊദിയിലെ യാംബുവിൽ  നിര്യാതനായി. മേക്കോൺ സ്വദേശിയായ  റാഫി കോട്ടേജ് വീട്ടിൽ നൗഷാദ് റാവുത്തർ (50) ആണ് മരിച്ചത്. യാംബുവിൽ പന്ത്രണ്ട് വർഷമായി ഡ്രൈവറായി ജോലി ചെയ്തു വരിക യായിരുന്നു.

    രണ്ട് ദിവസം മുമ്പ് ദേഹാസ്വസ്ഥ്യം കാരണം യാംബു ജനറൽ ഹോസ്പിറ്റലിൽ പ്രവേശിപ്പിച്ചിരുന്നു. തീവ്ര പരിചരണത്തിലിരിക്കെയാണ് തിങ്കളാഴ്ച രാവിലെ മരണപ്പെട്ടത്. യാംബു ജനറൽ ആശുപത്രിയിലുള്ള മൃതദേഹം യാംബുവിൽ തന്നെ ഖബറടക്കാനുള്ള നടപടികൾ പൂർത്തിയാക്കാൻ അദ്ദേഹത്തിന്റെ സുഹൃത്തുക്ക ളും സാമൂഹിക സന്നദ്ധ പ്രവർത്തകരും രംഗത്തുണ്ട്.   

         പരേതനായ പോളയത്തോട് നീലപ്പുരയിൽ അബ്ദുൽ ഹമീദ് ആണ് പിതാവ്. മാതാവ്: സുബൈദ ബീവി. ഭാര്യ: സൈഫുന്നിസ. മക്കൾ: മുഹമ്മദ് റാഫി, നൗറിൻ ഫാത്തിമ (ഇരുവരും ഡിഗ്രി വിദ്യാർഥികൾ), സഹോദരങ്ങൾ: നാസറുദ്ദീൻ, റഹ്മത്ത് ബീവി, റംല ബീവി ഷൈല.