കൊല്‍ക്കത്ത: ജയ് ശ്രീറാം മുഴക്കുന്നത് ഇപ്പോള്‍ ജനങ്ങളെ മര്‍ദിക്കാനാണെന്ന് നൊബേല്‍ സമ്മാന ജേതാവും പ്രമുഖ സാമ്പത്തിക ശാസ്ത്രജ്ഞനുമായ അമര്‍ത്യ സെന്‍.
ജയ് ശ്രീറാം വിളിക്കുന്നത് മര്‍ദിക്കുന്നതിനുവേണ്ടിയുള്ളതായിരുന്നുവെന്ന് നേരത്തെയൊന്നും താന്‍ കേട്ടിരുന്നില്ലെന്നും അദ്ദേഹം പറഞ്ഞു.
ബംഗാളില്‍ രാമനവമി ആഘോഷിക്കുന്നത് മുന്‍പുണ്ടായിരുന്നില്ല. ഇപ്പോള്‍ ജനശ്രദ്ധ കിട്ടുന്നതിനുവേണ്ടിയാണ് ചിലര്‍ ഇതെല്ലാം ആഘോഷപൂര്‍വം നടത്തുന്നത്. ചില മതങ്ങളില്‍ ഉള്‍പെടുന്നവര്‍ക്ക് സ്വതന്ത്രമായി ജീവിക്കാന്‍ കഴിയുന്നില്ലെങ്കില്‍ അതിനെ അതീവ ഗൗരവത്തോടെയാണ് നാം നോക്കിക്കാണേണ്ടതെന്നും അദ്ദേഹം പറഞ്ഞു.