ന്യൂഡല്‍ഹി:മാഞ്ചസ്റ്ററിലെ സംഗീതപരിപാടിയ്ക്കിടെ ഉണ്ടായ സ്‌ഫോടനത്തില്‍ പ്രധാനമന്ത്രി നരേന്ദ്രമോദി അപലപിച്ചു.

സംഭവം ഏറെ വേദനിപ്പിച്ചു. തീര്‍ത്തും അപലപനീയമാണ്. ആക്രമണത്തിന് ഇരയായി ജീവന്‍ നഷ്ടപ്പെട്ടവരുടെ കുടുംബാംഗങ്ങളുടെ വേദനയില്‍ പങ്കുചേരുന്നു - പ്രധാനമന്ത്രി ട്വിറ്ററില്‍ കുറിച്ചു.

Pained by the attack in Manchester. We strongly condemn it. Our thoughts are with the families of the deceased & prayers with the injured.

— Narendra Modi (@narendramodi) May 23, 2017

മാഞ്ചസ്റ്ററില്‍ യു.എസ് പോപ് താരം അരിയാന ഗ്രാന്റിന്റെ സംഗീത പരിപാടിയ്ക്കിടെയാണ് സ്‌ഫോടനമുണ്ടായത്. പ്രാദേശിക സമയം രാത്രി 10.30 ഓടെയാണ് സംഭവം. സ്‌ഫോടനത്തില്‍ 19 പേര്‍ കൊല്ലപ്പെടുകയും 50 ഓളം പേര്‍ക്ക് പരുക്കേല്‍ക്കുകയും ചെയ്തു.