ജിദ്ദ: സഊദി ഹജ്ജ് മന്ത്രാലയത്തിന്റെ വെബ് പോര്‍ട്ടലിലൂടെ റജിസ്റ്റര്‍ ചെയ്ത ആഭ്യന്തരഹാജിമാര്‍ക്ക് പണമടയ്ക്കുവാന്‍ നേരത്തെ അറിയിച്ചതിലും രണ്ടുദിവസം കൂടി നീട്ടിക്കൊടുത്തു.
ചില ഹാജിമാര്‍ക്ക് നിശ്ചിത സമയത്തിനകം പേയ്‌മെന്റ് നടത്തുന്നതില്‍ വന്ന സാങ്കേതികതകരാര്‍ കണക്കിലെടുത്താണ് 48 മണിക്കൂര്‍ കൂടി ഹജ്ജ് മന്ത്രാലയം നീട്ടിക്കൊടുത്തത്.
ഹജ്ജ് മന്ത്രാലയത്തിന്റെ ഓണ്‍ലൈന്‍ പോര്‍ട്ടലിലൂടെ അനുമതി രേഖക്ക് വേണ്ടി അപേക്ഷ സമര്‍പ്പിച്ചവര്‍ക്ക് പേയ്‌മെന്റ് നടത്തുവാന്‍ നേരത്തെ മന്ത്രാലയം അയച്ചുകൊടുത്ത സദാദ് നമ്പറും സമയവും ഉള്‍ക്കൊള്ളുന്ന മെസ്സേജിന് പുറമെ 48 മണിക്കൂര്‍ നീട്ടിക്കൊടുത്തുകൊണ്ടുള്ള സന്ദേശം അയച്ചുകൊടുത്തിട്ടുണ്ട്.ഇതോടെ 96 മണിക്കൂര്‍ സമയത്തിനുള്ളില്‍ പേയ്‌മെന്റ് നടത്തിയാല്‍ മതിയാവും. സമയം നീട്ടിക്കൊടുത്തുള്ള സന്ദേശത്തില്‍ പുതിയ സദാദ് നമ്പറാണ് ചേര്‍ത്തിയിട്ടുള്ളത് .