ന്യൂഡല്‍ഹി: കശ്മിരില്‍ കല്ലെറിയുന്നവര്‍ക്ക് മുന്നില്‍ മനുഷ്യകവചമാക്കേണ്ടത് എഴുത്തുകാരി അരുന്ധതി റോയിയെയാണെന്ന ബി.ജെ.പി എം.പിയുടെ പരാമര്‍ശത്തിനെതിരേ സാമൂഹിക മാധ്യമങ്ങളില്‍ രൂക്ഷമായ വിമര്‍ശനം. അതിനിടയില്‍ പരേഷ് റാവല്‍ എം.പിയുടെ പരാമര്‍ശത്തിനെതിരേ അരുന്ധതി റോയി തന്നെ രംഗത്തെത്തി. താന്‍ ചില കാര്യങ്ങളെക്കുറിച്ച് കലഹിക്കാറുണ്ട്. അക്കാര്യങ്ങളെക്കുറിച്ച് ജനങ്ങള്‍ക്ക് നല്ല ബോധ്യവുമുണ്ട്. എനിക്കെതിരായി പരാമര്‍ശം നടത്തി എല്ലാവരുടെയും കൈയടി വാങ്ങിക്കാമെന്ന ധാരണ വേണ്ടെന്ന് അവര്‍ കൂട്ടിച്ചേര്‍ച്ചു.
ട്വിറ്ററിലാണ് അരുന്ധതിയെക്കുറിച്ച് പരേഷ് റാവല്‍ വിവാദ കുറിപ്പിട്ടത്. തന്നെ അപമാനിച്ചാല്‍ എന്നെ സ്‌നേഹിക്കുന്ന ജനങ്ങള്‍ അത് തിരിച്ചറിയുമെന്ന് അവര്‍ പരേഷിനെ ഓര്‍മിപ്പിച്ചു.