ജറൂസലം: ഇസ്‌റാഈല്‍ സന്ദര്‍ശനത്തിനിടെ യു.എസ് പ്രസിഡന്റ് ഡൊണാള്‍ഡ് ട്രംപിന്റെ കൈ തട്ടി പ്രഥമ വനിത മെലാനിയ. ഭാര്യയുടെ കൈപിടിച്ചു നടക്കാന്‍ ശ്രമിച്ചപ്പോഴാണ് അവര്‍ ട്രംപിന്റെ കൈ തട്ടിമാറ്റിയത്. ഔദ്യോഗിക സ്വീകരണചടങ്ങിനിടെയായിരുന്നു ഇത്. സംഭവത്തിന്റെ വിഡിയോ സാമൂഹിക മാധ്യമങ്ങളില്‍ വൈറലായി.  
ബെന്‍ ഗുറിയോന്‍ വിമാനത്താവളത്തില്‍ എത്തിയ ട്രംപിനെയും ഭാര്യയേയും ഇസ്‌റാഈല്‍ പ്രധാനമന്ത്രി ബിന്യാമിന്‍ നെതന്യാഹുവും ഭാര്യ സാറയും ചേര്‍ന്നാണ്് സ്വീകരിച്ചത്. പിന്നീട് ചുവന്ന പരവതാനിയിലൂടെ നടക്കുമ്പോഴാണ് മെലാനിയയുടെ കൈപിടിച്ച് ഒപ്പം ചേര്‍ക്കാന്‍ ട്രംപ് ശ്രമിച്ചത്.