കുറ്റ്യാടി: വേളം വലകെട്ടില്‍ കഴിഞ്ഞ ദിവസമുണ്ടായ ശക്തമായ മിന്നലില്‍ നാല് പശുക്കള്‍ ചത്തു. പുത്തലത്ത് അബ്ദുല്ലയുടെ തൊഴുത്തില്‍ കെട്ടിയ മൂന്നു പശുക്കളും തീക്കുനിയിലെ ഏരത്ത് കുഞ്ഞമ്മദ് ഹാജിയുടെ വീട്ടിലെ തൊഴുത്തില്‍ കെട്ടിയ ഒരു പശുവുമാണ് ചത്തത്.
കനത്ത മഴയിലും കാറ്റിലും വലകെട്ടിലെ തയ്യില്‍ കുഞ്ഞബ്ദുല്ലയുടെ പറമ്പിലെ രണ്ടു തെങ്ങ് കടപുഴകി വീണു. നൂറുകണക്കിന് വാഴകളും വേളം പഞ്ചായത്തിന്റെ വിവിധ ഭാഗങ്ങളില്‍ നിലപൊത്തിയിട്ടുണ്ട്.