കല്‍പ്പറ്റ: സുഹൃത്തുക്കളായ വിദ്യാര്‍ഥികളെ കാണാതായി. പൊലിസ് അന്വേഷണം ആരംഭിച്ചു. പള്ളിക്കുന്ന് പാലപ്പറ്റ വീട്ടില്‍ ജോസഫിന്റെ മകന്‍ നിഖില്‍(14), ചുണ്ടക്കര മാത്യുവിന്റെ മകന്‍ അഭിജിത്ത്(13) എന്നിവരെയാണ് ഈമാസം 21ന് കാണാതായത്. രാവിലെ പള്ളിയിലേക്കാണെന്ന് പറഞ്ഞ് വീട്ടില്‍ നിന്നിറങ്ങിയ രണ്ടുപേരും തിരിച്ചെത്തിയിട്ടില്ല. ഇതിനിടെ 21ന് ഉച്ചക്ക് രണ്ടുപേരെയും കല്‍പ്പറ്റയിലെ ബസ് സ്റ്റാന്റില്‍ ആളുകള്‍ കണ്ടിരുന്നു. ഇവര്‍ ബസ് മാര്‍ഗം കര്‍ണാടകയിലേക്ക് പോയെന്ന് പൊലിസ് സംശയിക്കുന്നുണ്ട്. നിഖില്‍, അഭിജിത്ത് എന്നിവരെക്കുറിച്ച് വിവരം ലഭിക്കുന്നവര്‍ 9497987197, 04936 248410, 04936 286635 എന്നീ നമ്പറുകളില്‍ വിവരം അറിയിക്കണമെന്ന് മീനങ്ങാടി സര്‍ക്കിള്‍ ഇന്‍സ്‌പെക്ടര്‍ അറിയിച്ചു.