കോഴിക്കോട്: പ്രശസ്ത മാപ്പിളപ്പാട്ട് ഗായകന്‍ കെ.ജി സത്താറിന്റെ സ്മരണയ്ക്കായി കേരള മാപ്പിള കലാ അക്കാദമി ഏര്‍പ്പെടുത്തിയ പുരസ്‌കാരം ആസാദ് വണ്ടൂരിന് മാധ്യമപ്രവര്‍ത്തകന്‍ സി.വി.എം വാണിമേല്‍ സമ്മാനിച്ചു. അക്കാദമി തൃശൂര്‍ ജില്ലാ പ്രസിഡന്റ് റാഫി മതിലകം അധ്യക്ഷനായി.
നാനാക്കല്‍ മുഹമ്മദ് ആസാദ് വണ്ടൂരിനെ ഷാളണിയിച്ച് ആദരിച്ചു. സംസ്ഥാന സെക്രട്ടറി പി.എ സീതി മാസ്റ്റര്‍ മുഖ്യപ്രഭാഷണം നടത്തി. കെ.ജി സത്താര്‍ അനുസ്മരണ പ്രഭാഷണം സംസ്ഥാന ചീഫ് കോ ഓര്‍ഡിനേറ്റര്‍ ശംസുദ്ദീന്‍ വാത്യേടത്ത് നിര്‍വഹിച്ചു. നസീം ഹരിപ്പാട്, അഹമ്മദ് മഞ്ചേരി, അഡ്വ. ടി.പി അരുണ്‍ മേനോന്‍, ടി.മുഹമ്മദ് മാസ്റ്റര്‍, ഉമ്മര്‍ പഴുവില്‍, എ.എം അബ്ദുല്‍ ജബ്ബാര്‍ സംസാരിച്ചു.