തിരുവനന്തപുരം: തദ്ദേശ തെരഞ്ഞെടുപ്പിനു മുന്നോടിയായി യു.ഡി.എഫ് സംസ്ഥാന സമിതിയുടെ ആഭിമുഖ്യത്തില്‍ ഇന്ന് ലക്ഷങ്ങള്‍ പങ്കെടുക്കുന്ന വെര്‍ച്വല്‍ റാലി സംഘടിപ്പിക്കുമെന്ന് മുന്നണി കണ്‍വീനര്‍ എം.എം ഹസന്‍ അറിയിച്ചു.
എല്‍.ഡി.എഫ് സര്‍ക്കാരിന്റെ അഴിമതിക്കും ജനദ്രോഹ നടപടികള്‍ക്കും വികസനവിരുദ്ധ മനോഭാവത്തിനുമെതിരായാണ് റാലി സംഘടിപ്പിക്കുന്നത്. ഇന്നുച്ചയ്ക്ക് 12 മുതല്‍ ഒരു മണി വരെ നടത്തുന്ന വെര്‍ച്വല്‍ റാലി പ്രതിപക്ഷനേതാവ് രമേശ് ചെന്നിത്തല ഉദ്ഘാടനം ചെയ്യും. എം.എം ഹസന്‍ അധ്യക്ഷനാകും.
കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍, മുന്‍ മുഖ്യമന്ത്രി ഉമ്മന്‍ചാണ്ടി, യു.ഡി.എഫ് നേതാക്കളായ പി.കെ കുഞ്ഞാലിക്കുട്ടി, പി.ജെ ജോസഫ്, എന്‍.കെ പ്രേമചന്ദ്രന്‍, അനൂപ്് ജേക്കബ്, സി.പി ജോണ്‍, ജി. ദേവരാജന്‍, ജോണ്‍ ജോണ്‍ എന്നിവര്‍ റാലിയില്‍ പങ്കെടുക്കും.