കാഞ്ഞങ്ങാട്: സ്വാതന്ത്ര്യ സമര സേനാനിയും കാഞ്ഞങ്ങാട് പഞ്ചായത്തിന്റെ ദീര്‍ഘകാല പ്രസിഡന്റുമായിരുന്ന കെ. മാധവന്റെ പേരിലുള്ള പുരസ്‌കാരം സി.പി.എം അഖിലേന്ത്യാ ജനറല്‍ സെക്രട്ടറി സീതാറാം യെച്ചൂരിക്ക്. ശില്‍പി മധു ബങ്കളം രൂപകല്‍പ്പന ചെയ്ത ഫലകവും പ്രശസ്തിപത്രവും 50, 000 രൂപയുമാണ് പുരസ്‌കാരം.
കെ. മാധവന്റെ രണ്ടാം ചരമവാര്‍ഷികവും പുരസ്‌കാര സമര്‍പ്പണവും നാളെ കാഞ്ഞങ്ങാട് നടക്കും. മുനിസിപ്പല്‍ ടൗണ്‍ഹാളില്‍ ഉച്ചയ്ക്ക് 2.30ന് സി.പി.ഐ അഖിലേന്ത്യാ ജനറല്‍ സെക്രട്ടറി സുധാകര്‍ റെഡ്ഡി സമ്മേളനത്തിന്റെ ഉദ്ഘാടനവും പുരസ്‌കാര സമര്‍പ്പണവും നിര്‍വഹിക്കും. ഫൗണ്ടേഷന്‍ ചെയര്‍മാനും മന്ത്രിയുമായ ഇ. ചന്ദ്രശേഖരന്‍ ചടങ്ങില്‍ അധ്യക്ഷനാകും.