കോഴിക്കോട് : ഇന്ത്യയിലെ മുന്‍നിര ലോജിസ്റ്റിക്‌സ് സേവന ദാതാക്കളായ ബ്ലൂ ഡാര്‍ട്ട് ഡിസംബറില്‍ ഓരോ ഇന്ത്യന്‍ വീടുകളിലും ഡെലിവറി സാധ്യമാക്കുംവിധം വന്‍ വിപുലീകരണത്തിന് തയാറെടുക്കുന്നു.
19,100 ലധികം പിന്‍കോഡുകളില്‍ എത്തിച്ചേരുന്നതിന് ലക്ഷ്യമിടുന്ന വിപുലീകരണം കമ്പനിയുടെ ഏറ്റവും വലിയ വികസന പരിപാടികളില്‍ പ്രധാനമാണെന്ന് കമ്പനി മാനേജിങ് ഡയറക്ടര്‍ അനില്‍ ഖന്ന പറഞ്ഞു.
നിലവില്‍ 17,677 ലധികം പിന്‍കോഡുകളില്‍ സാന്നിധ്യമുണ്ട്.
പതിനാറ് സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി നൂറ് ശതമാനം പിന്‍കോഡ് കവറേജ് കൈവരിക്കാന്‍ ഈ മാസം കമ്പനിക്ക് സാധിച്ചിട്ടുണ്ട്. കല്‍പ്പറ്റ, സുല്‍ത്താന്‍ ബത്തേരി, ഗൂഡല്ലൂര്‍, പിയാക്കര തുടങ്ങിയ ഉള്‍പ്രദേശ നഗരങ്ങളിലും ബ്ലൂ ഡാര്‍ട്ടിന് സാന്നിധ്യം ഉണ്ട്.