പത്തനംതിട്ട: ഉദ്യോഗസ്ഥരെ കൂട്ടത്തോടെ സ്ഥലം മാറ്റിക്കൊണ്ടിരിക്കുന്ന പിണറായി സര്‍ക്കാര്‍ ഇതിനായി ഒരു മന്ത്രിയെപോലും നിയമിച്ചാല്‍ അത്ഭുതപ്പെടേണ്ടതില്ലെന്ന് പ്രതിപക്ഷ നേതാവ് രമേശ് ചെന്നിത്തല പരിഹസിച്ചു. ഐ.എന്‍.ടി.യു.സി സംസ്ഥാന നേതൃത്വ ശില്‍പശാല അടൂരില്‍ ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന പ്രസിഡന്റ് ആര്‍ ചന്ദ്രശേഖരന്‍ അധ്യക്ഷനായി. മുന്‍മന്ത്രി ആര്യാടന്‍ മുഹമ്മദ് മുഖ്യപ്രഭാഷണം നടത്തി. തോമസ് ജോണ്‍, ജ്യോതിഷ്‌കുമാര്‍ മലയാലപ്പുഴ, കെ സുരേന്ദ്രന്‍, കെ.പി ഹരിദാസ്, എം.പി പത്മനാഭന്‍, ടി.ജെ ജോയ്. വി.ജെ ജോസഫ് പ്രസംഗിച്ചു.