ന്യൂഡല്‍ഹി: എം.എന്‍.എസ് നേതാവ് രാജ് താക്കറെ യു.പി.എ അധ്യക്ഷ സോണിയാ ഗാന്ധിയുമായി കൂടിക്കാഴ്ച നടത്തി. തിങ്കാളാഴ്ച ഡല്‍ഹിയില്‍വച്ചായിരുന്ന അപ്രതീക്ഷിത കൂടിക്കാഴ്ചയുണ്ടായത്. എന്നാല്‍ കൂടിക്കാഴ്ചയുടെ ലക്ഷ്യമെന്താണെന്ന് സംബന്ധിച്ച് വ്യക്തതയില്ലെന്ന് എം.എന്‍.എസ് വക്താവ് സാന്ദീപ് ദേശ്പാണ്ഡെ പറഞ്ഞു. ഇ.വി.എമ്മുകള്‍ പകരായി ബാലറ്റ് പേപ്പര്‍ ഉപയോഗിക്കണമെന്ന ആവശ്യം തെരഞ്ഞെടുപ്പ് കമ്മിഷനെ ഔദ്യോഗികമായി അറിയിക്കാനാണ് താക്കറെ ഡല്‍ഹിയിലെത്തിയത്. മഹാരാഷ്ട്രയില്‍ നിയമസഭാ തെരഞ്ഞെടുപ്പ് നടക്കാനിരിക്കെ സോണിയ ഗാന്ധിയുമായുള്ള ചര്‍ച്ചയുമായി ബന്ധപ്പെട്ട് നിരവധി അഭ്യൂഹങ്ങള്‍ ഉയര്‍ന്നിട്ടുണ്ട്.