കോഴിക്കോട്: ഈമാസം 22 മുതല്‍ ഓഗസ്റ്റ് 16 വരെ നടക്കുന്ന സുപ്രഭാതം വരിക്കാരെ ചേര്‍ക്കല്‍ കാംപയിനിന്റെ മുന്നോടിയായി സമസ്ത നേതൃസംഗമം 15ന് രാവിലെ 10ന് കോഴിക്കോട് ഫ്രാന്‍സിസ് റോഡിലെ സമസ്ത ആസ്ഥാന മന്ദിരത്തില്‍ നടക്കും. 450 ഓളം വരുന്ന റെയ്ഞ്ച് ജംഇയ്യത്തുല്‍ മുഅല്ലിമീന്‍ കമ്മിറ്റികളുടെ പ്രതിനിധികള്‍ നേതൃസംഗമത്തില്‍ പങ്കെടുക്കും. ഓരോ റെയ്ഞ്ചില്‍ നിന്നും റെയ്ഞ്ച് പ്രസിഡന്റ്, സെക്രട്ടറി, ചെയര്‍മാന്‍ എന്നിവരില്‍ നിന്ന് രണ്ടുപേര്‍ നിര്‍ബന്ധമായും സംഗമത്തില്‍ പങ്കെടുക്കണമെന്ന് സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ പ്രസിഡന്റ് സി.കെ.എം സ്വാദിഖ് മുസ്‌ലിയാരും ജനറല്‍ സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വിയും അഭ്യര്‍ഥിച്ചു.