ലണ്ടന്‍: ഇംഗ്ലീഷ് പ്രീമിയര്‍ ലീഗ് ടീം ക്രിസ്റ്റല്‍ പാലസിന്റെ പരിശീലക സ്ഥാനത്ത് നിന്ന് സാം അല്ലാര്‍ഡൈസ് രാജിവച്ചു. അഞ്ച് മാസങ്ങള്‍ക്ക് മുന്‍പ് മാത്രം ക്രിസ്റ്റല്‍ പാലസിന്റെ ചുമതലയേറ്റ മുന്‍ ഇംഗ്ലണ്ട് ദേശീയ ടീം പരിശീലകന്‍ കൂടിയായ അല്ലാര്‍ഡൈസ് താന്‍ ഫുട്‌ബോള്‍ കോച്ചിങ് കരിയര്‍ തന്നെ അവസാനിപ്പിക്കുകയാണെന്ന് വ്യക്തമാക്കി. അഞ്ച് മാസങ്ങള്‍ക്ക് മുന്‍പ് അലന്‍ പര്‍ഡ്യുവിന്റെ പകരക്കാരനായാണ് 62കാരനായ അല്ലാര്‍ഡൈസ് ടീമിന്റെ കോച്ചിങ് സ്ഥാനമേറ്റെടുത്തത്. സീസണില്‍ 17ാം സ്ഥാനത്താണ് ക്രിസ്റ്റല്‍ പാലസ് എത്തിയത്. തരംതാഴ്ത്തല്‍ മേഖലയില്‍ നിന്ന് കഷ്ടിച്ച് ഒറ്റ പോയിന്റ് വ്യത്യാസത്തില്‍ ടീം രക്ഷപ്പെടുകയായിരുന്നു.