അന്താരാഷ്ട്ര സയന്‍സ് ഫെസ്റ്റിവലിലേക്ക് ഇ.എം.ഇ.എയില്‍നിന്ന് ആറ് വിദ്യാര്‍ഥികള്‍

backup

September 30 2018 | 04:09 AM

%e0%b4%85%e0%b4%a8%e0%b5%8d%e0%b4%a4%e0%b4%be%e0%b4%b0%e0%b4%be%e0%b4%b7%e0%b5%8d%e0%b4%9f%e0%b5%8d%e0%b4%b0-%e0%b4%b8%e0%b4%af%e0%b4%a8%e0%b5%8d%e2%80%8d%e0%b4%b8%e0%b5%8d-%e0%b4%ab%e0%b5%86%e0%b4%b8

കൊണ്ടോട്ടി: ഒക്ടോബര്‍ നാല് മുതല്‍ എട്ടുവരെ ലക്‌നൗവില്‍ നടക്കുന്ന നാലാമത് അന്താരാഷ്ട്ര സയന്‍സ് ഫെസ്റ്റിവലിലേക്ക് കൊണ്ടോട്ടി ഇ.എം.ഇ.എ ഹയര്‍ സെക്കന്‍ഡറി സ്‌കൂളില്‍ നിന്ന് പ്ലസ്ടു വിദ്യാര്‍ഥികളായ ആറ് പേര്‍ക്ക് ക്ഷണം.
ഗ്രാമ പ്രദേശങ്ങളിലെ യുവതക്കിടയില്‍ ശാസ്ത്ര സാങ്കേതിക വിദ്യക്ക് പ്രചാരം നല്‍കുകയും ഡിജിറ്റല്‍ ഇന്ത്യയുടെ ഭാഗമാക്കാന്‍ വിദ്യാര്‍ഥികളെ പ്രേരിപ്പിക്കുകയുമാണ് ഫെസ്റ്റിവലിന്റെ ലക്ഷ്യം. രാഷ്ട്രപതിയുമായും പ്രമുഖരായ ശാസ്ത്രജ്ഞരമായും വിദ്യാര്‍ഥികള്‍ക്ക് സംവദിക്കാനും വിദ്യാര്‍ഥികള്‍ക്കാവും.
വിദ്യാര്‍ഥികള്‍ക്ക് മാനേജ്‌മെന്റ്, പി.ടി.എ, വിദ്യാര്‍ഥികള്‍ എന്നിവരുടെ നേതൃത്വത്തില്‍ യാത്രയയപ്പ് നല്‍കി.വിദ്യാര്‍ഥികള്‍ക്കൊപ്പം ഒരു അധ്യാപകനും സംഘത്തിലുണ്ട്. പരിപാടിയില്‍ രാജ്യത്തെ വിവിധ സ്‌കൂളുകളി ല്‍നിന്നായി 5000 വിദ്യാര്‍ഥികള്‍ പങ്കെടുക്കും.
യാത്രയയപ്പ് ചടങ്ങ് മാനേജര്‍ സി.പി കുഞ്ഞാന്‍ ഉദ്ഘാടനം ചെയ്തു.പി.ടി.എ പ്രസിഡന്റ് ബഷീര്‍ മേച്ചേരി അധ്യക്ഷനായി. പ്രിന്‍സിപ്പല്‍ പി. അബ്ദുറസാഖ്, പ്രധാനാധ്യാപകന്‍ പി.ടി ഇസ്മാഈല്‍, സ്റ്റാഫ് സെക്രട്ടറി കെ. ഷാം, എം. ഷഹീദലി, ഡോ. കെ. മുഹമ്മദ്, ഷാഫി താള്‍തൊടി, സലാം കിഴിശ്ശേരി എന്നിവര്‍ സംസാരിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."