കൊല്ലം: സംസ്ഥാന സര്‍ക്കാരിന്റെ ഒന്നാം വാര്‍ഷികത്തില്‍ കൊല്ലത്ത് സി.പി.എമ്മും സി.പി.ഐയും തമ്മിലടിച്ച് 'ആഘോഷിച്ചു'. ഇടതുമുന്നണി വിവിധ പരിപാടികളുമായി മുന്നോട്ടു പോകവേയാണ് മുന്നണിയിലെ പ്രധാനകക്ഷികള്‍ കൊല്ലത്ത് തമ്മിലടിച്ചത്.

സി.പി.എം- സി.പി.ഐ സംഘര്‍ഷ മേഖലയായ മുഖത്തലയില്‍ ഇന്നലെയായിരുന്നു സംഘര്‍ഷമുണ്ടായത്. ഇവിടെ സി.പി.ഐ പ്രവര്‍ത്തകനെ സി.പി.എമ്മുകാര്‍ മര്‍ദിച്ചിരുന്നു. മര്‍ദനത്തില്‍ പരുക്കേറ്റ എ.ഐ.വൈ.എഫ് സംസ്ഥാന കമ്മിറ്റി അംഗം സി ഗിരീഷ് കൊല്ലത്ത് സ്വകാര്യ ആശുപത്രിയില്‍ ചികിത്സയിലാണ്.

മര്‍ദനത്തില്‍ പ്രതിഷേധിച്ച് ഇന്ന് എ.ഐ.വൈ.എഫ് പ്രവര്‍ത്തകര്‍ കൊല്ലത്ത് പ്രതിഷേധ മാര്‍ച്ചും പ്രകടനവും നടത്തി. പ്രകടനക്കാര്‍ മുഖ്യമന്ത്രിയുടെ ചിത്രമുള്ള ഫ്‌ളക്‌സുകള്‍ വലിച്ചുകീറി.