ചെട്ടിപ്പടി: പ്രവാചകനെ റോള്‍ മോഡലാക്കിയ ഒരു സമൂഹത്തിന്‍ പരാജയം സംഭവിക്കില്ലെന്ന് സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി.ആനങ്ങാടി ബാഫഖി നഗറില്‍ നുസ്‌റത്തുല്‍ അനാം മദ്‌റസയില്‍ എസ്.കെ.എസ്.ബി.വി മലപ്പുറം വെസ്റ്റ് ജില്ലാ കമ്മിറ്റി സംഘടിപ്പിച്ച 'ശാമിയാന 2' ഏകദിന ലീഡേഴ്‌സ് ക്യാംപ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഒരുമിച്ചിരുന്നാല്‍ പോലും പരസ്പരം സംസാരിക്കാതെ സോഷ്യല്‍ മീഡിയയില്‍ മുഴുകിയിരിക്കുന്ന തലമുറ ഈ കാലഘട്ടത്തിന്റെ പരാജയമാണെന്നും തങ്ങള്‍ പറഞ്ഞു. പഠന ക്ലാസിനു ജഹ്ഫര്‍ ദാരിമി ഇരുനിലയം നേതൃത്വം നല്‍കി.
പരിപാടിയില്‍ സയ്യിദ് മുഈനുദ്ദീന്‍ ജിഫ്‌രി തങ്ങള്‍, യഹ്യ തങ്ങള്‍, നൗഷാദ് മുസ്‌ലിയാര്‍ ചെട്ടിപ്പടി, ലുഖ്മാനുല്‍ ഹകീം ഫൈസി, അനീസ് ഫൈസി മാവണ്ടിയൂര്‍, അംജദ് തിരൂര്‍ക്കാട്, റബീഉദ്ദീന്‍ വെന്നിയൂര്‍, മുഹമ്മദ് റിയാസ് വെളിമുക്ക്, ഫായിസ് വെന്നിയൂര്‍, ഫാസില്‍ കൊടക്കാട്, ജുനൈര്‍ തിരൂര്‍, ഹാദി വൈലത്തൂര്‍, ശഫീഖ് പുതുപ്പറമ്പ്, ഉവൈസ് പൊന്നാനി  എന്നിവര്‍ സംസാരിച്ചു.