കോട്ടയം: സി.ഐ.ടി.യു കോട്ടയം ഏരിയ സമ്മേളനം നടന്നു.  സി.ഐ.ടി.യു ഏരിയ പ്രസിഡന്റ് എ.കെ മാധവന്‍ അധ്യക്ഷത വഹിച്ച സമ്മേളനം ജില്ലാ വൈസ്പ്രസിഡന്റ് പി.ജെ വര്‍ഗീസ് ഉദ്ഘാടനം ചെയ്തു. സെക്രട്ടറി സുനില്‍ തോമസ് പ്രവര്‍ത്തനറിപ്പോര്‍ട്ട് അവതരിപ്പിച്ചു. സി.ഐ.ടി.യു സംസ്ഥാന കമ്മിറ്റിയംഗം ഗ്രേസി സതീഷ്, സി.പി.എം കോട്ടയം ഏരിയ സെക്രട്ടറി എം.കെ പ്രഭാകരന്‍, ജില്ലാകമ്മിറ്റിയംഗം അഡ്വ. കെ അനില്‍കുമാര്‍ എന്നിവര്‍ സംസാരിച്ചു. ടി.എം രവീന്ദ്രന്‍ സ്വാഗതം പറഞ്ഞു.
എം.എച്ച് സലീം രക്തസാക്ഷിപ്രമേയവും ആര്‍ വേണുഗോപാല്‍ അനുശോചനപ്രമേയവും അവതരിപ്പിച്ചു.
ഭാരവാഹികളായി എ.കെ മാധവന്‍ (പ്രസിഡന്റ്), എം.കെ പ്രഭാകരന്‍, പി.എന്‍ രവി, അഡ്വ. ഷീജ അനില്‍(വൈസ് പ്രസിഡന്റുമാര്‍), സുനില്‍ തോമസ് (സെക്രട്ടറി), ടി.എന്‍ മനോജ്, ടി.എം രവീന്ദ്രന്‍, എം.എച്ച് സലീം (ജോയിന്റ് സെക്രട്ടറിമാര്‍), ആര്‍ വേണുഗോപാല്‍(ട്രഷറര്‍).