ന്യൂഡല്‍ഹി: രാജ്യത്തെ മുസ്‌ലിം ഭൂരിപക്ഷ പ്രദേശങ്ങളില്‍ അലിഗഢ് മുസ്‌ലിം യൂനിവേഴ്‌സിറ്റി സ്ഥാപിക്കണമെന്ന് കോണ്‍ഗ്രസ് ലോക്‌സഭാ കക്ഷി നേതാവ് അതിര്‍ രഞ്ജന്‍ ചൗധരി. കേരളത്തിലെ മലപ്പുറം, കിഷന്‍ ഗഞ്ച്, മുര്‍ഷിദാബാദ് പോലുള്ള സ്ഥലങ്ങളില്‍ സര്‍വകലാശാല സ്ഥാപിക്കണമെന്നാണ് അദ്ദേഹം ആവശ്യപ്പെട്ടത്.

മുര്‍ഷിദാബാദില്‍ അലിഗഢ് മുസ്‌ലിം യൂനിവേഴ്‌സിറ്റിക്ക് വേണ്ടി നല്‍കിയിരിക്കുന്ന സ്ഥലത്ത് യാതൊരു വിധ നിര്‍മാണ പ്രവര്‍ത്തനങ്ങളും ഇതുവരെ ആരംഭിച്ചിട്ടില്ലെന്നും അദ്ദേഹം കുറ്റപ്പെടുത്തി.

1875 ല്‍ സയ്യിദ് അഹമ്മദ് ഖാന്‍ സ്ഥാപിച്ച മുഹമ്മദിന്‍ ആംഗ്ലോ ഓറിയന്റല്‍ കോളജ് ആണ് 1920ല്‍ അലിഗഢ് മുസ്‌ലിം യൂനിവേഴ്‌സിറ്റി ആയത്. ഉത്തര്‍പ്രദേശിലെ അലിഗഢിലാണ് ഇത് സ്ഥിതി ചെയ്യുന്നത്.