ബദിയടുക്ക: യുവതിയെ വഴിയില്‍ തടഞ്ഞു പീഡിപ്പിച്ചെന്ന പരാതിയില്‍ യുവാവിനെതിരേ ബദിയടുക്ക പൊലിസ് കേസെടുത്തു. വീട്ടിലേക്കു നടന്നു പോവുകയായിരുന്ന 22കാരിയെ വലിച്ചിഴച്ചു കൊണ്ടു പോയി ബലാത്സംഗം ചെയ്തുവെന്ന പരാതിയില്‍ ബ്രാഞ്ചത്തടുക്കയിലെ പ്രശാന്തിനെതിരേയാണ് കേസ്. ബദിയടുക്ക പൊലിസ് സ്റ്റേഷന്‍ പരിധിയിലെ 22കാരി വനിതാ സെല്ലില്‍ നല്‍കിയ പരാതിയെത്തുടര്‍ന്നാണു കേസ് എടുത്തിരിക്കുന്നത്.
ജനുവരി ഏഴിനു വീട്ടിലേക്കു നടന്നു പോകുന്നതിനിടെ റോഡരികില്‍ വച്ച് ഭീഷണിപ്പെടുത്തുകയും ബലമായി പിടിച്ചു കൊണ്ടു പോയി ബലാത്സംഗം ചെയ്തുവെന്നും യുവതി വനിതാസെല്ലിനു നല്‍കിയ പരാതിയില്‍ പറയുന്നു. യുവതി ആണ്‍കുഞ്ഞിനു ജന്മം നല്‍കിയിരുന്നു. പ്രതിയെ പൊലിസ് അന്വേഷിച്ചു വരികയാണ്.
ബദിയടുക്ക: ബദിയടുക്ക പൊലിസ് സ്റ്റേഷന്‍ പരിധിയിലെ യുവതിയെ ബലാത്സംഗം ചെയ്തുവെന്ന പരാതിയില്‍ ബ്രാഞ്ചത്തടുക്ക സ്വദേശിക്കെതിരേ പൊലിസ് കേസെടുത്തു. 25കാരിയുടെ പരാതിയില്‍ ബ്രാഞ്ചത്തടുക്കക്കയിലെ ശങ്കരനെതിരേയാണ് കേസ്.
കഴിഞ്ഞ വര്‍ഷമാണ് പീഡിപ്പിച്ചതെന്നു യുവതി വനിതാ സെല്ലില്‍ നല്‍കിയ പരാതിയില്‍ പറയുന്നു.
നിര്‍ബന്ധിപ്പിച്ച് ഗര്‍ഭഛിദ്രം നടത്തിയതായും പരാതിയില്‍ ചൂണ്ടിക്കാട്ടി. പൊലിസ് അന്വേഷണം ആരംഭിച്ചു.