മുക്കം: ഐ.എസ് വാര്‍ത്തകളുടെ കാര്യത്തില്‍ ദൃശ്യമാധ്യമങ്ങള്‍ പക്വത കാണിക്കണമെന്നും വാര്‍ത്തകള്‍ പുറത്തുവിടും മുന്‍പു സത്യാന്വേഷണവും സ്ഥിരീകരണവുമുണ്ടാവണമെന്നും മുക്കം റെയ്ഞ്ച് ജംഇയ്യത്തുല്‍ മുഅല്ലിമീന്‍ ആവശ്യപ്പെട്ടു. ചാനല്‍ റേറ്റിങ് കൂട്ടാനുള്ള വെപ്രാളത്തിനിടയില്‍ വ്യാജ വാര്‍ത്തകള്‍ വരുന്നതു നീതീകരിക്കാനാവില്ല. ഒരു പ്രത്യേക സമുദായത്തിനു നേരെ നടക്കുന്ന മാധ്യമ ഫാസിസത്തിനെതിരേ ബന്ധപ്പെട്ടവര്‍ ജാഗരൂകരാകണമെന്നും യോഗം ആവശ്യപ്പെട്ടു.
യോഗം ഹുസൈന്‍ യമാനി ഉദ്ഘാടനം ചെയ്തു. സലാം ഫൈസി മുക്കം അധ്യക്ഷനായി. അംജദ് ഖാന്‍ റശീദി, മുനീര്‍ ദാരിമി, മജീദ് മുസ്‌ലിയാര്‍, ദാരിമി ഇ.കെ കാവനൂര്‍, കബീര്‍ സഖാഫി പ്രസംഗിച്ചു.