മുക്കം: ജില്ലയിലെ പൊതുവിദ്യാലയങ്ങളെ നബാര്‍ഡിന്റെ സാമ്പത്തിക സഹായത്തോടെ അന്താരാഷ്ട്ര നിലവാരത്തിലേക്ക് ഉയര്‍ത്തുമെന്ന് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി പറഞ്ഞു. ചെറുവാടി ഗവ. ഹയര്‍സെക്കന്‍ഡറി സ്‌കൂളില്‍ ജില്ലാ പഞ്ചായത്തിന്റെ ഫണ്ട് ഉപയോഗിച്ച് നിര്‍മിച്ച പെണ്‍കുട്ടികളുടെ വിശ്രമമുറികളുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
ജില്ലാ പഞ്ചായത്തംഗം ടി.പി.എം ഷറഫുന്നീസ ടീച്ചര്‍ അധ്യക്ഷയായി. ശുചിമുറികളുടെ ഉദ്ഘാടനം വൈസ് പ്രസിഡന്റ് റീന മുണ്ടേങ്ങാട്ട് നിര്‍വഹിച്ചു.
വിജയോത്സവം പദ്ധതിയുടെ ഉദ്ഘാടനം മുക്കം മുഹമ്മദ് നിര്‍വഹിച്ചു. ഗ്രാമപഞ്ചായത്ത് പ്രസിഡന്റ് സി.ടി.സി അബ്ദുല്ല മുഖ്യാഥിതിയായി. കെ.പി അബ്ദുറഹ്മാന്‍, കെ.വി അബ്ദുറഹ്മാന്‍, ടി.പി.സി മുഹമ്മദ്, എസ്.എ നാസര്‍, എന്‍. ജമാല്‍, ലീന തോമസ്, സി.ടി അബ്ദുല്‍ മജീദ് പങ്കെടുത്തു.