കണ്ണൂര്‍: കണ്ണാടിപ്പറമ്പ് ദാറുല്‍ ഹസനാത്ത് ഇസ്‌ലാമിക് കോംപ്ലക്‌സ് ശില്‍പിയും ജില്ലാ നാഇബ് ഖാസിയുമായിരുന്ന കെ.എം ഹാഷിം കുഞ്ഞി തങ്ങള്‍ ഓര്‍മപുസ്തകം 'നബവി സുഗന്ധം ബഅലവി വസന്തം' പാണക്കാട് ഹൈദരലി ശിഹാബ് തങ്ങള്‍ പ്രകാശനം ചെയ്തു. മണിയപ്പള്ളി അബൂട്ടി ഹാജി ആദ്യപ്രതി ഏറ്റുവാങ്ങി. അസ്‌ലം തങ്ങള്‍ അല്‍ മശ്ഹൂര്‍, അലി ബാഅലവി തങ്ങള്‍, വി.കെ അബ്ദുല്‍ഖാദര്‍ മൗലവി, അബ്ദുല്‍കരീം ചേലേരി, ഒ. മുഹമ്മദ് അസ്‌ലം, പി.വി സൈനുദീന്‍, കെ.എന്‍ മുസ്തഫ, അനസ് ഹുദവി സംബന്ധിച്ചു. കുടുംബം, പഠനം, അധ്യാപനം, സംഘാടനം, ഖളാഅ്, സമസ്ത, സാരഥ്യം, സേവനം, പ്രഭാഷണങ്ങള്‍ ലേഖനങ്ങള്‍ എന്നീ വിഭാഗങ്ങളിലായി തയാറാക്കപ്പെട്ട ഗ്രന്ഥത്തില്‍ സംസ്ഥാനത്തെ പ്രമുഖ നേതാക്കളു ടെ അനുഭവങ്ങളും ഉള്‍ക്കൊള്ളുന്നു. 450 പേജുകളിലായി അമൂല്യമായ ഫോട്ടോ ശേഖരത്തോടെ തയാറാക്കിയ പുസ്തകം 31നകം ബുക്ക് ചെയ്യുന്നവര്‍ക്കു 400 രൂപയ്ക്കു ലഭ്യമാകും. ഫോണ്‍: 9747544962.