മനാമ: എഴുത്തുകാരന്‍ ബിന്‍യാമീന്‍റെ 'ആടുജീവിതം' എന്ന നോവലിലെ കഥാപാത്രം നജീബ് ബഹ്റൈന്‍ പ്രവാസം അവസാനിപ്പിച്ച് നാട്ടിലേക്ക് മടങ്ങുന്നു.
രണ്ടു പതിറ്റാണ്ടു മുന്പ് സഊദിയിലായിരിക്കുന്പോഴായായിരുന്നു നജീബിന്‍റെ ജീവിതത്തില്‍ 'ആടുജീവിതം' സംഭവിച്ചതെങ്കിലും കഴിഞ്ഞ 21 വര്‍ഷമായി ഈ കഥാപാത്രം ബഹ്റൈന്‍ പ്രവാസിയാണ്.
പ്രവാസ ജീവിതത്തിലേക്ക് ഇനിയൊരു മടക്കമില്ലെന്ന തീരുമാനത്തോടെ ഈ മാസം16നാണ് നജീബ് നാട്ടിലേക്ക് മടങ്ങുന്നത്.
നജീബിന്‍റെ 'ആടുജീവിതം' ആദ്യമായി ബിന്‍യാമീനോട് പങ്കുവെച്ച സുഹൃത്ത് സുനില്‍ മാവേലിക്കര തന്നെയാണ് നജീബ് നാട്ടിലേക്ക് മടങ്ങുന്ന കാര്യവും സോഷ്യല്‍ മീഡിയയില്‍ പങ്കുവെച്ചത്. (സുനില്‍ മാവേലിക്കരയുടെ ഫൈസ് ബുക്ക് പോസ്റ്റ് ഇവിടെ വായിക്കാം).

ആലപ്പുഴ ജില്ലയിലെ ആറാട്ടുപുഴ സ്വദേശിയായ നജീബിെൻറ ഉമ്മ മരിക്കുമ്പോൾ ഇളയ സഹോദരിക്ക് ആറുമാസം മാത്രമായിരുന്നു പ്രായം. പുറത്തുനിന്ന് ഒരാളെ വിവാഹം കഴിച്ചാൽ തെൻറ സഹോദരിയെ വേണ്ടവിധത്തിൽ പരിചരിക്കുമോ എന്ന ആശങ്കയിൽ നജീബും അദ്ദേഹത്തിെൻറ സഹോദരനും സ്വന്തം കുടുംബത്തിൽനിന്നുതന്നെ വിവാഹം കഴിച്ചു. ഒരു കുറവും വരുത്താതെ അവർ നജീബിെൻറ സഹോദരിയെ പരിചരിച്ചു.
ഇതിനിടെ കുടുംബത്തെ പോറ്റാൻ സൗദി അേറബ്യയിൽ പ്രവാസ ജീവിതം നയിക്കേണ്ടി വന്ന നജീബിെൻറ രണ്ട് വർഷത്തെ ജീവിതമാണ് ആടു ജീവിതത്തിെൻറ ഇതിവൃത്തമായി മാറിയത്.
സഊദിയില്‍ വൃത്തിഹീനമായ സാഹചര്യത്തിൽ ആടുകളെയും ഒട്ടകങ്ങളെയും പരിപാലിച്ചുകൊണ്ട് ദുരിത ജീവിതത്തിലൂടെ കടന്നുപോയ നാളുകളുടെ ഓർമകൾ പിന്നീട് ഒരു നോവലായി പിറവിയെടുക്കുകയായിരുന്നു. അതിനു കാരണക്കാരനായയും സുഹൃത്ത് സുനിലാണ്.
2000 ഫെബ്രുവരി 25നാണ് രണ്ടാം പ്രവാസ ജീവിതത്തിന് തുടക്കമിട്ട് നജീബ് ബഹ്റൈനിൽ എത്തിയത്.
കഴിഞ്ഞ 21 വർഷമായി ബഹ്റൈനിലുള്ള നജീബ് വിട്ടുപോകുമ്പോൾ ഒപ്പം നടന്നിരുന്ന ഒരു സഹോദരൻ യാത്രപറഞ്ഞു പോകുന്ന നൊമ്പരമാണ് മനസ്സിലെന്ന് സുനിൽ പറയുന്നു.
പഴയ ദുരിതങ്ങളൊക്കെ മറന്ന് ജീവിതത്തിെൻറ പച്ചപ്പിലേക്ക് കാലെടുത്തുവെക്കാൻ ഈനാട് തുണയായി. 'ആടുജീവിത'ത്തിലെ നായകനായതോടെ ജീവിതത്തിലും ഏറെ മാറ്റങ്ങളുണ്ടായതായി നജീബ് പറയുന്നു. രണ്ട് ലോക കേരള സഭയിൽ പങ്കെടുക്കാൻ കഴിഞ്ഞു. പോകാൻ കഴിയുമെന്ന് വിചാരിക്കാത്ത സ്ഥലങ്ങളിലൊക്കെ പോകാനും നിരവധി വലിയ ആളുകളെ പരിചയപ്പെടാനും സാധിച്ചു. ഒട്ടേറെപ്പേർ ഇപ്പോഴും വിളിച്ച് വിവരങ്ങൾ തിരക്കാറുണ്ട്. ബഹ്റൈനിൽ എത്തിയതുമുതൽ സുനിൽ മാവേലിക്കര കാണിച്ച കരുതലും സ്നേഹവും ഓർമ്മയിൽ സൂക്ഷിച്ചാണ് താന്‍ മടങ്ങുന്നത്. ശിഷ്ടകാലം കുടുംബത്തോടൊപ്പം കഴിയണമെന്നതാണ് ആഗ്രഹം -നജീബ് പറയുന്നു.
സഫിയയാണ് നജീബിന്‍റെ ഭാര്യ, ഒമാനില്‍ ജോലി ചെയ്യുന്ന സഫീര്‍, വിവാഹിതയായ സഫീന എന്നിവരാണ് മക്കള്‍.

https://www.facebook.com/sunil.pillai.79/posts/10208777721116187
<div id="fb-root"></div> <script async defer crossorigin="anonymous" src="https://connect.facebook.net/en_US/sdk.js#xfbml=1&version=v9.0" nonce="MCHqpTvm"></script>