ഡൽഹി: ഇന്ത്യൻ ഫുട്ബോൾ ടീം പരിശീലക സ്ഥാനം ഒഴിഞ്ഞു മനോലോ മാർക്വേസ്. ഇന്ന് നടന്ന എക്സിക്യൂട്ടീവ് കമ്മിറ്റി യോഗത്തിലാണ് മനോലോ  മാർക്വേസും ഇന്ത്യ ഫുട്ബോൾ ഫെഡറേഷനും തമ്മിൽ വേർപിരിഞ്ഞെന്ന വാർത്ത ഔദ്യോഗികമായി പുറത്തുവന്നത്. മനോലോയുടെ കീഴിൽ അവസാനമായി കളിച്ച മത്സരത്തിൽ ഇന്ത്യ പരാജയപ്പെട്ടിരുന്നു. 2027ലെ എഎഫ്സി ഏഷ്യൻ കപ്പ് യോഗ്യതാ മത്സരത്തിൽ ഹോങ്കോങിനെതിരെയാണ് ഇന്ത്യ തോൽവി നേരിട്ടത്. ഏകപക്ഷീയമായ ഒരു ഗോളിനാണ് ഇന്ത്യ പരാജയപ്പെട്ടത്. 

ഈ തോൽവിക്ക് പിന്നാലെ 2027ലെ എഎഫ്സി ഏഷ്യ കപ്പ് യോഗ്യതയ്ക്കുള്ള ഇന്ത്യയുടെ സാധ്യതകൾക്ക് വലിയ തിരിച്ചടിയായിരുന്നു നൽകിയിരുന്നത്. ഇനി ശേഷിക്കുന്ന നാല് യോഗ്യതാ മത്സരങ്ങളിൽ വിജയിച്ചാലേ ഇന്ത്യയ്ക്ക് യോഗ്യത നേടാനാവൂ. രണ്ട് വർഷത്തെ കരാറിലാണ് മനോലോ ഇന്ത്യൻ പരിശീലകനായി എത്തിയത്. ഐഎസ്എല്ലിൽ എഫ്സി ഗോവയുടെ പരീശീലകനായും മനോലോ പ്രവർത്തിച്ചിട്ടുണ്ട്. ആദ്യ സീസണിൽ ഗോവയെയും ഇന്ത്യയെയും ഒരുമിച്ച് പരിശീലിപ്പിച്ചിട്ടുമുണ്ട്. 

2024ൽ ഇഗോർ സ്റ്റിമാക്കിന്റെ പകരക്കാരനായാണ് മനോലോ ഇന്ത്യയുടെ പരിശീലകനായി ചുമതലയേറ്റത്, ഇതുവരെ പതിനാറ് മത്സരങ്ങളിലാണ് ടീമിനെ പരിശീലിപ്പിച്ചത്. പക്ഷേ ആ മത്സരങ്ങളിൽ വിജയിച്ചത് വെറും ഒന്നിൽ മാത്രമാണെന്നത് വലിയ വിമർശനങ്ങൾക്ക് വഴിവെച്ചു. മാർക്വേസിന്റെ കാലഘട്ടത്തിൽ ഇന്ത്യ വളരെ നിരാശാജനകമായ പ്രകടനമാണ് പുറത്തെടുത്തത്. ഈ മോശം പ്രകടനങ്ങൾക്ക് പിന്നാലെ ഫിഫ റാങ്കിംഗിൽ ഇന്ത്യ 133-ാം സ്ഥാനത്തേക്ക് വീഴുകയും ചെയ്തിരുന്നു. 

Manolo Marquez has stepped down as the coach of the Indian football team. The news of the separation between Manolo Marquez and the Indian Football Federation was officially announced during the executive committee meeting held today.