മലപ്പുറം: യു.ഡി.എഫ് കാംപുകളില്‍ ആത്മവിശ്വാസം വര്‍ധിച്ചുവെന്ന് മുസ്ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി പറഞ്ഞു. വേട്ടു ചെയ്ത ശേഷം മലപ്പുറത്ത് മാധ്യമങ്ങളോടു സംസാരിക്കുകയായിരുന്നു അദ്ദേഹം.

ഭരണവിരുദ്ധ വികാരമാണ് എല്ലായിടങ്ങളിലും പ്രകടമാവുന്നത്. യു.ഡി.എഫിലാണ് ജനങ്ങള്‍ക്ക് പ്രതീക്ഷയുള്ളത്. എല്ലായിടത്തും യു.ഡി.എഫ് വളരെ വലിയ ആധിപത്യത്തിലേക്കാണ് കുതിക്കുന്നത്. നിയമസഭാ തെരഞ്ഞെടുപ്പിനു ആവേശം നല്‍കുന്ന റിസള്‍ട്ടായിരിക്കും ഈ തെരഞ്ഞെടുപ്പു വിജയം നല്‍ക്കുക. പോളിംഗ് ശതമാനത്തിന്റെ ഈ വര്‍ധനവ് യു.ഡി.എഫിന്റെ വിജയകുതിപ്പിലേക്കുള്ള കണക്കുകളാണെന്നും കുഞ്ഞാലിക്കുട്ടി പറഞ്ഞു.