തൃക്കരിപ്പൂര്‍: ഡിവൈ.എസ്.പിയെ ഇടിച്ചുതെറിപ്പിച്ച വാഹനം നിര്‍ത്താതെപോയി. ക്രൈംബ്രാഞ്ച് ഡിവൈ.എസ്.പി പി.കെ സുധാകരനെയാണ് ഇന്നലെ രാത്രി വാഹനം ഇടിച്ചുതെറിപ്പിച്ചത്. ചന്തേര സ്‌കൂളിന് മുന്നിലായിരുന്നു സംഭവം. തലയ്ക്കും കാലിനും സാരമായി പരുക്കേറ്റ ഡിവൈ.എസ്.പിയെ ആദ്യം തൃക്കരിപ്പൂരിലെ സ്വകാര്യ ആശുപത്രിയിലും തുടര്‍ന്ന് മംഗളൂരു ആശുപത്രിയിലേക്കും കൊണ്ടുപോയി. ഇടിച്ചശേഷം നിര്‍ത്താതെ പോയ വാഹനം കണ്ടെത്താനുളള ശ്രമത്തിലാണ് പൊലിസ്.