കൊച്ചി: കേരളത്തിലെ ആദ്യത്തെ ഫോട്ടോഗ്രഫി മ്യൂസിയമായ ഫോട്ടോമ്യൂസ് സംഘടിപ്പിക്കുന്ന അന്താരാഷ്ട്ര ചിത്രമേള ഇന്ന് കൊച്ചിയിലെ ഡര്‍ബാര്‍ ഹാളില്‍ നടക്കും. രാവിലെ 11.30ന് നടക്കുന്ന ചടങ്ങില്‍ ചലച്ചിത്രതാരം രഞ്ജിനി, സുരേഷ് എലമണ്‍, ജോസൂട്ടി പനക്കല്‍, എബ്രിഡ് ഷൈന്‍ എന്നിവര്‍ വിശിഷ്ടാതിഥികളാവും. ദേശീയ, അന്തര്‍ ദേശീയ ശ്രദ്ധയാകര്‍ഷിച്ച അരലക്ഷത്തോളം ചിത്രങ്ങള്‍ പ്രദര്‍ശിപ്പിക്കും. ഫോട്ടോഗ്രഫിയുമായി ബന്ധപ്പെട്ട സംസ്ഥാനത്തെ പ്രഥമ സംരംഭമാണ് ഈ ഫോട്ടോമ്യൂസിയം.

അംഗങ്ങളുടെ തെരഞ്ഞെടുക്കപ്പെട്ട ചിത്രങ്ങള്‍ക്ക് പുറമെ പ്രത്യേക ക്ഷണിതാക്കളുടെ വിഭാഗത്തില്‍ അമേരിക്കയില്‍ നിന്നും യൂറോപ്പില്‍ നിന്നുമുള്ള 20 വിദേശ ഫോട്ടോഗ്രാഫര്‍മാരുടെ ചിത്രങ്ങളും ഇന്ത്യയിലെ മുതിര്‍ന്ന ഫോട്ടോഗ്രാഫര്‍മാരുടെ ചിത്രങ്ങളും പ്രദര്‍ശിപ്പിക്കും. പ്രദര്‍ശനം ഓഗസ്റ്റ് നാലിന് അവസാനിക്കും.