അനന്താപൂര്‍: ശിവക്ഷേത്രത്തില്‍ മൂന്നുപേരുടെ തലയറുത്ത നിലയില്‍ കണ്ടെത്തി. അനന്താപൂര്‍ ജില്ലയിലെ കോര്‍ത്തിക്കോട്ട ഗ്രാമത്തിലെ ക്ഷേത്രത്തിലാണ് രണ്ട് സ്ത്രീകളുടെയും ഒരു പുരുഷന്റെയും തലയറുത്ത നിലയില്‍ കണ്ടെത്തിയത്. സത്യലക്ഷ്മി, കമലമ്മ, ശിവരാമ റെഡ്ഡി എന്നിവരാണ് മരിച്ചത്. സംഭവത്തിനുപിന്നില്‍ നരബലിയാണെന്ന് സംശയിക്കുന്നതായി പൊലിസ് അറിയിച്ചു. ഞായറാഴ്ച രാത്രിയാണ് ഇവര്‍ കൊലചെയ്യപ്പെട്ടതെന്നാണ് വിവരം. ക്ഷേത്രത്തില്‍ മന്ത്രവാദവും മനുഷ്യരക്തവും കണ്ടതായി നാട്ടുകാരില്‍ ചിലര്‍ അറിയിച്ചതിനെ തുടര്‍ന്നാണ് സ്ഥലത്ത് പൊലിസ് എത്തിയത്. ഒളിഞ്ഞിരിക്കുന്ന നിധി ലഭ്യമാകുന്നതിനുവേണ്ടിയാണ് ക്ഷേത്രത്തില്‍ നരബലി നടത്തിയതെന്നും നാട്ടുകാരില്‍ ചിലര്‍ പറഞ്ഞു.