ശ്രീനഗര്‍: ജമ്മുകശ്മീരിലെ റാംപൂര്‍ മേഖലയില്‍ നുഴഞ്ഞുകയറ്റത്തിന് ശ്രമിച്ച നാലു ഭീകരരെ സൈന്യം വെടിവെച്ചുവീഴ്ത്തി. നുഴഞ്ഞു കയറാന്‍ ശ്രമിച്ച ഭീകരരെ സൈന്യം ചേര്‍ന്ന് വളയുകയും ആക്രമണശ്രമം തടയുകയുമായിരുന്നു. സഥലത്ത് സൈന്യത്തിന്റെ പരിശോധന തുടരുകയാണ്.

അതേസമയം, ത്രാലിനടുത്ത് സൈന്യവുമായുണ്ടായ ഏറ്റുമുട്ടലില്‍ നാലു ഭീകരരെ വധിച്ചതായി ഇന്ത്യന്‍ സൈനിക വൃത്തങ്ങള്‍ അറിയിച്ചു. കഴിഞ്ഞ ദിവസം രാത്രിയായിരുന്നു ഏറ്റുമുട്ടല്‍. ഇവരുടെ മൃതദേഹം തിരിച്ചറിഞ്ഞിട്ടില്ല. നുഴഞ്ഞുകയറാന്‍ ശ്രമിക്കുന്ന ഭീകരര്‍ക്കായുള്ള തിരച്ചില്‍ ഇപ്പോഴും തുടരുകയാണ്.