തുറവൂര്‍: മത്സ്യ ബന്ധനം നടത്തുന്നതിനിടെ വള്ളം തകര്‍ന്ന് ഒരാള്‍ക്ക് പരുക്ക്.തുറവൂര്‍ പഞ്ചായത്ത് പള്ളിത്തോടു് കുന്നേല്‍ വീട്ടില്‍ ലിസ്റ്റണ്‍ (32) നാണ് പരിക്കേറ്റത്.ഇന്നലെ പുലര്‍ച്ചെ ഏഴോടെയായിരന്നു അപകടം.
പള്ളിത്തോടു് ചാപ്പക്കടവ് ഭാഗത്ത് നിന്നും പതിനൊന്നു പേരുമായി കടലില്‍ പോയ വള്ളമാണ് അന്ധകാരനഴി വെട്ടക്കല്‍ ഭാഗത്തു വെച്ച് അപകടത്തില്‍ പെട്ടത് . അപകടത്തില്‍ പെട്ട മറ്റുള്ളവര്‍ നീന്തി രക്ഷപെട്ടു .കടലില്‍ വലയിടുന്നതിനിടെ ശക്തമായ തിരമാലയില്‍പ്പെട്ടാണ് വള്ളം തകര്‍ന്നത് .രണ്ടു് എഞ്ചിനുകള്‍ ,എക്കൊ സൗണ്ടര്‍ ,വല ,വള്ളം തുടങ്ങിയവ പൂര്‍ണമായി നശിച്ചു. അഞ്ച് ലക്ഷം രൂപയുടെ നഷ്ടം കണക്കാക്കുന്നു .പള്ളിത്തോട് സ്വദേശി വെളിയില്‍ റോബിന്റെ ഉടമസ്ഥതയില്‍ ഉള്ളതാണ് വള്ളം.