മേപ്പാടി: ചെമ്പ്ര ഫാത്തിമഫാം എസ്റ്റേറ്റ് മാനേജറെ സ്ത്രീ തൊഴിലാളികള്‍ മണിക്കൂറുകളോളം തടഞ്ഞുവച്ചു. രണ്ട് മാസത്തെ ശമ്പളം മുടങ്ങിയതോടെയാണ് തൊഴിലാളികള്‍ ഇന്നലെ ഉച്ചക്ക് 12 ഓടെ മാനേജര്‍ മാച്ചയ്യയെ തടഞ്ഞ് വച്ചത്. 60 ഓളം തൊഴിലാളികളാണ് മാനേജര്‍ സഞ്ചരിച്ച വാഹനം തടഞ്ഞത.് ശമ്പളം ഇന്നലെ നല്‍കുമെന്നായിരുന്നു നേരത്തെ അറിയിച്ചിരുന്നത്.
ഉച്ചയോടെ ശമ്പളം ഉണ്ടാവില്ലന്ന സൂചന ലഭിച്ചതോടെയാണ് തൊഴിലാളികള്‍ മാനേജരെ തടഞ്ഞ് വെക്കാന്‍ തീരുമാനിക്കുകയായിരുന്നു. രണ്ടാം നമ്പര്‍ ലീഫ് ഷെഡിന് സമീപമാണ് തടഞ്ഞത്. വെള്ളിയാഴ്ച ബാങ്ക് അവധിയായതിനാലാണ് ശമ്പള വിതരണം മുടങ്ങിയതെന്നും തിങ്കളാഴ്ച വിതരണം ചെയ്യുമെന്ന് മാച്ചയ്യ പറഞ്ഞു.
തിങ്കളാഴ്ച ഒരു മാസത്തെ ശമ്പളം നല്‍കാമെന്ന ഉറപ്പിന്‍മേലാണ് തൊഴിലാളികള്‍ സമരം അവസാനിപ്പിച്ചത്.