ന്യൂയോര്‍ക്ക്: അമേരിക്കയില്‍ ഹിന്ദു പൂജാരിക്കു നേരെ ആക്രമണം. ഫ്‌ളോറല്‍ പാര്‍ക്കിലെ അമ്പലത്തിലേക്ക് നടന്നുപോവുന്നതിനിടെയായിരുന്നു ആക്രമണം. സ്വാമി ഹരിശ്ചന്ദ്ര പുരി എന്ന പൂജാരിയാണ് ആക്രമണത്തിനിരയായത്. രാവിലെ 11 മണിയോടെയായിരുന്നു സംഭവം.
ശിവശക്തി അമ്പലത്തിലേക്കു പോകുന്നതിനിടെ പിന്നിലൂടെയെത്തിയ 52കാരന്‍ തുടരെ അടിക്കുകയായിരുന്നു. മുഖത്തും അടി കിട്ടി. ഇതുമായി ബന്ധപ്പെട്ട് സെര്‍ജിയോ ഗോവിയ എന്നയാളെ പൊലിസ് അറസ്റ്റ് ചെയ്തു. വംശവെറിയുടെ ഭാഗമായാണോ ആക്രമണമെന്ന് പൊലിസ് അന്വേഷിച്ചുവരികയാണ്.