പാപ്പിനിശ്ശേരി: പാപ്പിനിശ്ശേരി ജാമിഅ: അസ്അദിയ്യ: ഇസ്‌ലാമിയ്യ: അറബിക് ആന്‍ഡ് ആര്‍ട്‌സ് കോളജിലെ അവസാനവര്‍ഷ പരീക്ഷാഫലം പ്രഖ്യാപിച്ചു. എന്‍. മുഹമ്മദ് ഇല്യാസിന് ഒന്നാം റാങ്ക്. ഇരിട്ടി മുഴക്കുന്ന് സ്വദേശി അബൂബക്കറിന്റെയും പാറമ്മല്‍ ജമീലയുടെയും മകനാണ്. തളിപ്പറമ്പ് തോട്ടിക്കല്‍ സ്വദേശി പരേതനായ ആലിമുഹമ്മദിന്റെയും കെ.പി ഫാത്തിമയുടെയും മകന്‍ ഷാഹിറുദ്ദീന്‍ രണ്ടാം റാങ്കും പാപ്പിനിശ്ശേരി വെസ്റ്റിലെ ഒ. അബ്ദുസലാമിന്റെയും വാഹിദയുടെയും മകന്‍ മുഹമ്മദ് കെ.വി നാഫില്‍ മൂന്നാം റാങ്കും കരസ്ഥമാക്കി.