മട്ടാഞ്ചേരി: കലയുടെ ഹബ്ബായി മട്ടാഞ്ചേരി മാറുന്നു. കൊച്ചി മുസരിസ് ബിനാലേയുടെ സ്ഥിരം വേദി മട്ടാഞ്ചേരിയില്‍ ഒരുക്കാന്‍ ചര്‍ച്ചകള്‍ പുരോഗമിക്കവെ ഒരു സ്ഥിരം ഗ്യാലറി കൂടി മട്ടാഞ്ചേരി ജൂടൗണിലെ എ.ബി.സേലം റോഡില്‍ ആരംഭിച്ചു.  'ഇന്ദ്രിയം' എന്ന് നാമകരണം ചെയ്തിരിക്കുന്ന ഗ്യാലറിയുടെ ഉദ്ഘാടനം ഓസ്‌ട്രേലിയന്‍ ചിത്രകാരി ഡിയോ ബോള്‍ നിര്‍വഹിച്ചു.24 ചിത്രകാരന്‍മാരുടെ ചിത്രങ്ങള്‍ ഉള്‍കൊള്ളിച്ചു കൊണ്ടുള്ള ' മെട്രിക്കല്‍ ഫോംസ് ' എന്ന ആദ്യ പ്രദര്‍ശനം കെ.ജെ മാക്‌സി എം.എല്‍.എ ഉദ്ഘാടനം ചെയ്തു.