തിരുവനന്തപുരം:ഉംറയാത്രക്കായി റവാബി ഒരുക്കുന്ന സഊദി എയര്‍ലൈന്‍സിന്റെ നേരിട്ടുള്ള പ്രത്യേക ചാര്‍ട്ടര്‍ വിമാനം നവംബര്‍ 23ന് തിരുവനന്തപുരത്ത് നിന്നും പുറപ്പെടും.തലസ്ഥാനത്തു നിന്നും ആദ്യമായിട്ടാണ് ഉംറയാത്ര ഏര്‍പ്പെടുത്തുന്നതെന്ന്  എക്‌സിക്യൂട്ടീവ് ഡയറക്ടര്‍ ഫൈസല്‍ നല്ലളം ,ഡയറക്ടര്‍  പനച്ചമൂട് ഷാജഹാന്‍ എന്നിവര്‍ അറിയിച്ചു. ഇതിനോടനുബന്ധിച്ച് നടന്ന ബ്രോഷര്‍ പ്രകാശനം പാളയം ഇമാം വി.പി സുഹൈബ് മൗലവി നിര്‍വഹിച്ചു. സുരഭി ചെയര്‍മാന്‍ വിഴിഞ്ഞം അഹമ്മദുകുട്ടി, എച്ച്.ആര്‍.ഡി.എസ്  എം.ഡി എം.ഷംനാദ്, എസ്.ബാദുഷ, എസ്.ബി.ആസിഫ്  പങ്കെടുത്തു.