കോഴിക്കോട്: കളിപ്പൊയ്കയ്ക്കു സമീപം മണ്ണിട്ടു നികത്തിയ വയലില്‍ നിന്ന് ലാന്റ് റെക്കോര്‍ഡ്‌സ് താഹസില്‍ദാറുടെ നേതൃത്വത്തില്‍ മണ്ണ് നീക്കം ചെയ്തു. ഇന്നലെയാണ് സംഭവം.
നിലമ്പൂര്‍ സ്വദേശി അലി മുബാറക്കിന്റെ ഉടമസ്ഥയിലുള്ള സ്ഥലത്താണ് കണ്ടല്‍ക്കാടുകള്‍ വെട്ടിനശിപ്പിച്ച് മണ്ണിട്ട് സ്ഥലം ഉയര്‍ത്തിയത്. കണ്ടല്‍ക്കാടുകളും തണ്ണീര്‍ത്തടവും നശിപ്പിക്കുന്നതിനെതിരേ പ്രദേശവാസികള്‍ പരാതിയുമായി രംഗത്തെത്തിയിരുന്നു.
കലക്ടര്‍ മണ്ണിട്ടു നികത്തല്‍ നിര്‍ത്തിവയ്ക്കാന്‍ സ്‌റ്റോപ്പ് മെമ്മോ നല്‍കിയിട്ടും ഉടമസ്ഥന്‍ മണ്ണിട്ടു നികത്തല്‍ തുടരുകയായിരുന്നു. ഇതിനെ തുടര്‍ന്നാണ് നടപടിയുണ്ടായത്