ചെന്നൈ: മഹാബലിപുരത്തു കാറിനുള്ളില്‍ ഒരു സ്ത്രീയുള്‍പ്പെടെ മൂന്നു പേര്‍ വെന്തു മരിച്ചു. മഹാബലിപുരത്ത് മനാമ വില്ലേജിന് സമീപം ഈസ്റ്റ് കോസ്റ്റ് റോഡിലാണ് സംഭവം.  ഇന്നലെ രാത്രിയായിരുന്നു സംഭവം നടന്നത്. അപകടകാരണം വ്യക്തമല്ല.

റോഡിന് സമീപത്ത് കാര്‍ പാര്‍ക്ക് ചെയ്ത് എതാനും മിനിറ്റുകള്‍ക്കകം തീപിടിക്കുകയായിരുന്നുവെന്ന് ദൃക്‌സാക്ഷികള്‍ മൊഴി നല്‍കി. മരിച്ചവരെകുറിച്ചുള്ള വിവരങ്ങള്‍ ലഭ്യമായിട്ടില്ല.അഗ്നിശമന സേന സ്ഥലത്തെത്തി മൂന്നുപേരെയും പുറത്തെടുത്ത് ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.

 സംഭവത്തില്‍ ദുരൂഹതയുണ്ടെന്ന് വ്യക്തമാക്കിയ പൊലിസ് അന്വേഷണം ആരംഭിച്ചതായും അറിയിച്ചു.