ശ്രീനഗര്‍: ജമ്മു കശ്മിരിലേക്ക് നിയന്ത്രണരേഖയിലൂടെ നുഴഞ്ഞുകയറാന്‍ ശ്രമിച്ച ഭീകരന്‍ ഇന്ത്യന്‍ സൈന്യത്തിന്റെ വെടിവെപ്പില്‍ കൊല്ലപ്പെട്ടു. ജമ്മുകശ്മീരിലെ പൂഞ്ച് ജില്ലയിലാണ് സംഭവം.

കൃഷ്ണ ഘാട്ടി സെക്ടറില്‍ പുലര്‍ച്ചെ രണ്ടരയ്ക്കാണ് ഭീകരന്‍ നുഴഞ്ഞുകയറാന്‍ ശ്രമിക്കുന്നതിനിടെ കൊല്ലപ്പെട്ടതെന്ന് പ്രതിരോധ മന്ത്രാലയം വക്താവ് ലഫ്. കേണല്‍ മനീഷ് മേത്ത വ്യക്തമാക്കി. ഭീകരനെ സംബന്ധിച്ച കൂടുതല്‍ വിവരങ്ങള്‍ ഇതുവരെയും ലഭ്യമായിട്ടില്ലെന്നും മനീഷ് മേത്ത അറിയിച്ചു.