കോഴിക്കോട്: 'അസ്തിത്വം, അവകാശം യുവനിര വീണ്ടെടുക്കുന്നു' എന്ന മുദ്രാവാക്യവുമായി എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ നയിക്കുന്ന മുന്നേറ്റ യാത്ര ഡിസംബര്‍ 30ന് തിരുവനന്തപുരത്ത് ആരംഭിക്കും. 63 കേന്ദ്രങ്ങളിലെ കാംപയിന്‍ സമ്മേളനങ്ങള്‍ക്ക് ശേഷം ജനുവരി 11ന് മംഗലാപുരത്ത് സമാപിക്കും. 

കൊവിഡ് മാനദണ്ഡങ്ങള്‍ പാലിച്ചുകൊണ്ടുള്ള ഇന്‍ഡോര്‍ പരിപാടികളാണ് ഓരോ കേന്ദ്രങ്ങളിലും നടക്കുക. വിദ്യാഭ്യാസ ശാക്തീകരണം, ഉദ്യോഗ പ്രാതിനിധ്യം, ബഹുസ്വര സമൂഹം തുടങ്ങിയവയുടെ പ്രാധാന്യം പൊതു സമൂഹത്തെ ബോധ്യപ്പെടുത്തുകയാണ് യാത്രയുടെ ഉദ്ദേശ്യം. 

യാത്രയുടെ പതാക കൈമാറ്റം 29ന് കാലത്ത് ഒന്‍പതിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വ്വഹിക്കും. ഡിസംബര്‍ ആറ് മുതല്‍ ജനുവരി 26 വരെ നടക്കുന്ന കാംപയിനിന്റെ ഭാഗമായാണ് എസ്.കെ.എസ്.എസ്.എഫ് മുന്നേറ്റ യാത്ര സംഘടിപ്പിക്കുന്നത്.