വാഷിങ്ടണ്‍: യു.എസിലെ ഇല്ലനോയ്‌സില്‍ നടന്ന വെടിവയ്പ്പില്‍ മൂന്ന് പേര്‍ കൊല്ലപ്പെട്ടു. മറ്റ് മൂന്ന് പേര്‍ക്ക് ഗുരുതരമായി പരുക്കേറ്റിട്ടുണ്ട്. ശനിയാഴ്ചയാണ് അപകടം. ഡോണ്‍ കാര്‍ട്ടര്‍ ലൈന്‍സ് ബൗളിങ് ഗെയിം ക്ലബിലാണ് വെടിവയ്പ്പുണ്ടായത്. പ്രതിയെന്ന് സംശയിക്കുന്ന ഒരാളെ പിടികൂടിയിടുണ്ടെന്ന് പൊലിസ് അറിയിച്ചു.

റോക്ക്‌ഫോര്‍ഡ് സിറ്റി പൊലിസാണ് കേസ് അന്വേഷിക്കുന്നത്. ഡോണ്‍ കാര്‍ട്ടര്‍ ലൈന്‍സ് പരിസരത്തേക്ക് ആരും വരരുതെന്നും പൊലിസ് അറിയിച്ചിട്ടുണ്ട്.രണ്ടാഴ്ച മുന്‍പ് അമേരിക്കയിലെ പ്രധാന ക്രിസ്ത്യന്‍ ആരാധാനകേന്ദ്രങ്ങളിലൊന്നായ ന്യൂയോര്‍ക്കിലെ കത്തീഡ്രല്‍ ചര്‍ച്ച് ഓഫ് സെന്റ്.ജോണ്‍ ദ ഡിവൈനില്‍ വെടിവപ്പ് നടന്നിരുന്നു.

അമേരിക്കയില്‍ നിരന്തരമായി വെടിവെപ്പ് സംഭവങ്ങള്‍ നടന്നിട്ടും തോക്ക് അടക്കമുള്ള ആയുധങ്ങള്‍ കൈവശം വെക്കാവുന്നത് സംബന്ധിച്ച നിയമങ്ങളില്‍ മാറ്റം വരുത്താത് ജനങ്ങളുടെ പ്രതിഷേധത്തിന് ഇടയാക്കുന്നുണ്ട്.