ആനക്കര: കുമ്പിടിയിലെ പൂട്ടി ചേലാക്കിയ നെല്‍പ്പാടത്തു കര്‍ഷകര്‍ക്ക് തുണയായി കുട്ടികള്‍. ആനക്കര ഗവര്‍മെന്റ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് വിദ്യാര്‍ഥികളാണ് ഒരേക്കറോളം പാടം നട്ടുകയറിയത്. രാവിലെ ഒന്‍പതു മണിയോടെ തന്നെ  പ്രദേശത്തു ബസ് സമരമായിട്ടു കൂടി കുട്ടികള്‍ നടീലിനു  എത്തി.
പ്ലസ്ടുവിലെ 50 കുട്ടികളാണ് നെല്‍കൃഷി ചെയ്യാന്‍ എത്തിയത്. കര്‍ഷകനും അധ്യാപകനുമായ ഹരിഗോപി കുട്ടികള്‍ക്ക് കൃഷി രീതികള്‍ വിശദീകരിച്ചു കൊടുത്തു.
തുടര്‍ന്ന് ഞാറു നട്ടു പഞ്ചായത്തു വൈസ് പ്രസിഡന്റ് പി വേണുഗോപാലന്‍ പരിപാടി ഉദ്ഘാടനം ചെയ്തു. വാര്‍ഡ് അംഗം സി.ടി സൈതലവി, പി.ടി, എ പ്രസിഡന്റ് സുരേന്ദ്രന്‍, പ്രിന്‍സിപ്പല്‍ ഇന്‍ചാര്‍ജ് ഹംസ, എം.പി സതീഷ്,സി.ആര്‍ പ്രജിഷ, ഉദയന്‍ തുടങ്ങിയവരുടെ നേതൃത്വത്തില്‍ ആയിരുന്നു പരിപാടി നടന്നത്.